فيها ايه اما نلبس شيك و محترم في نفس الوقت؟؟

موضوع: فيها ايه اما نلبس شيك و محترم في نفس الوقت؟؟ الجمعة 20 يونيو 2008, 9:03 pm
الحقيقة انكوا تقدروا تقولوا ان دي حملة انا بشارك فيها و ياريت تشاركوني فيها عشان نظبط لبسنا صح ..المحجبات يلبسوا حجاب صح و اللي مش محجبات يلبسوا برضوا محترم حفاظا على حيائهم ..و طبعا الكلام ده مش معناه اننا لازم نلبس عبايات..ده طبعا الأفضل بس برده لأن البنات مهاويس بالموضة فاحنا حنلبس عالموضة و شيك بس محترم ..لان الحقيقة انا بقيت بشمئز من المناظر اللي بشوفها فالشارع و الكارسه الكبيرة لبس المحجبات بجد بزعل اوييي..
و الحملة دي ان شاء الله حتبقى كذا توبيك وده التوبيك الاول وانا ان شاء الله حجبلكوا في كل توبيك صور للبس لذيذ و شيك و محترم ممكن نقتبس منه افكار
انا بس عايزة احط قواعد الاول عشان مايبقاش شغل عالفاضي..البلوزه او التي شيرت القصير يتلبس على جوب و الطويل ممكن يتلبس على بنطلون و يا ريت ننسى فكرة البدي الكارينا خصوصا للمحجبات لان الحقيقة بحس انو مالوش لازمه بيفصل الجسم كأنك مش لابساه اساسا.

e3mely copy le el link we paste fi saf7a tanya ..3ala fekra el link ely howa maben